Anderkant die eerste Ster

 

Anderkant die eerste Ster




 Dit is maar net tien kilometer groot en draai stadig in die rondte. Almal is baie bang, die eerste tekens reeds weke gelede gesien.

Ver bo almal in die ruimtestasie is Lydia die eerste wat die spikkeltjie deur haar teleskoop sien, “Ag wat dis niks, al weer ʼn bohaai wat sal verby gaan.”

As die volgende drie weke net kan verby gaan. Dit raak nou net te lank en alleen hier bo. Sy verlang so na Pieter en klein Leon. Die outjie skaars ʼn jaar oud, praat sonder ophou en vermaak mens sover hy gaan!

Die MeerKat ruimtebeheerstasie by Carnarvon kontak haar elke uur, “Lydia, jy moet nou baie mooi kyk en vir ons presies meet. Sy naam is Elkiya II.”

Weke gaan verby, en almal weet nou dit is onvermydelik dat die botsing gaan gebeur. Lydia sit vasgenael voor die patryspoort, die voorwerp nou groot en duidelik, die vlamme spat toe dit die atmosfeer tref.

Sy sien duidelik Johannesburg se liggies ver onder haar. Die voorwerp tref die aarde skaars tagtig kilometer suid van die stad. Alles is verby, alle lewe op aarde vernietig ... vir altyd.

 

Lydia land in Franschhoek. Hier het sy groot geword, Pieter en klein Leon sou hier wag by hul huis teen die berg op hul plaas La Petite Provence. Pappa en Mamma weer by Mont Rochelle net buite die dorp.

Om haar is niks, geen lewe, geen plante net niks …

Aan die Hugenote Monument hang dit aan ʼn dik tou. Die lewelose oë staar na niks. Dit het al baie gebeur, maar vir die heel eerste keer ooit is daar geen brommers …

 

Geinspireer deur Leon Rousseau se “Groot Avontuur” en die asteroide wat 2000 miljoen jaar gelede by Vredefort geval het.  Die titel van Uys Krige se "Fort Wajir is ver, is ver, ander kant die eerste ster."

Comments

Post a Comment

Popular posts from this blog

Tussen Treine, tussen Stasies ...

Image
  Tussen Treine, tussen Stasies ...                   © VDS Brink “Elke keer was dit ʼn afskeid, elke keer weer ʼn begin, ʼn honderd haltes langs die spoor, elke stasie het sy eie skim.”   Die sekelmaan hang stil in die weste, die blare van die bloekoms hang stil. “Jy kan maar blaas ou Pieter, die groen vlag waai al!” sê Koos. Pieter trek die ketting in die dak en die skril fluit weergalm oor Hutchinson stasie. Koos trek die hefboom en die 25C begin stadig vorentoe kruip, die Trans Karoo agter hom met die slapende passasiers. Voor op die rook deflektors staan met trots en blink ge-Brasso, “ Annemarie ” Gou-gou wys die spoedmeter vyftig myl per uur. “Nog vyf om te gaan dan is ons daar!” sê Koos. “Pieter gee nog so bietjie gas jong, ek maak vir ons koffie!” Pieter neem die graaf en skep diep en gooi vêr in die vuurkas. Die ag reuse wiele klip-klap op die laste. Koos kyk uit na sterrehemel soos jy net in die Roggeveld sal sien. Biesiespoort kom nader, die sinjaal is op en die n
Read more

Get them to listen!

Image
  Talking to others, making our point and pitch our idea are key to success on our road in life. Much is said and done about the content of our presentations, little about the way how to do it. How to do it is much more important than the words we use! Mark Twain said, “All suffers from stage fright, those that do not are liars." It is one of the top fears in life to stand in front of an audience. Some keys to overcome and be a great success: Ask who the audience is. Talk about their needs and how we can solve it. We all need safety, belonging, self-esteem, self-actualization, we are curious, neatness, sympathy, spirituality, achievement, revenge, adventure and danger, fear and resolve, humor and play. Give some of it! The first and last sentences will make or break. Start with a surprise, a story works the best by far. Self-effacing humor or an open question. End by leaving them wondering and yearning for more. Drop an unexpected twist in the tail! Use your voice. Talk loader and
Read more

NOUE ONTKOMING

Image
  NOUE ONTKOMING Dit was winter skoolvakansie doer in Vanwyksvlei in 1960 en ons outjies is skaars nege jaar oud. Klokslag   op tyd ontmoet ek vir Tollie, Wesley en Stompie Burger vir ons rokie van die dag. Tabak was onmoontlik verkrygbaar en rooktoerusting ewe so, maar slim maak ons pype van riet en soos jy ook weet vir tabak is droeë moerbeiblare net die plaasvervanger. Ons sit net buite die dorp onder die brug en steek aan. Die blou wolke hang in die lug en ons hoes te lekker. Jy moes daai lyftaal sien, presies soos ons die ooms altyd dophou, linkerhand in die sak en daai pyp so entjie voor jou. Windgat! “Gwaaa ...!!”, ‘n groot slag, ons storm uit en hoog bo in die lug ‘n lang wit streep. Ontploffing op ontploffing. Wesley gil, “Dis ‘n vliegtuig wat daar val ouens!!” Vier dae later kom die weeklikse poslorrie met laas Woensdag se Burger. Die voorblad berig, "Meteoor het tussen Carnarvon en Williston geval, gelukkig geen ongevalle ... " Sjoe!!  
Read more